«Реал» финалга чиқдими, тамом!

Диққат қилинг, «Мадрид» еврокубокларда ўзи иштирок этган охирги 11та финални 100 фоиз ғалаба билан якунлади. Қойил! Демак, бундан хулоса чиқмоқдаки, «Реал» финалга чиқдими, бош совринни бериб қўймайди асло!

Умуман олганда, «Реал» охирги марта бундан 40 йил олдин еврокубоклар финали якунида совринсиз қолган экан. Мадридликлар ўшанда, яъни 1983 йили Европа Кубок эгалари кубоги финалида Шотландиянинг «Абердин» клубига имкониятни бой беришган. Финалга шотландларни ким бошлаб тушганини биласизми? Ҳа, «Абердин»ни Алекс Фергюсон бошқарарди. 

Агар фақат ЧЛ/ЧК турнирини олсак, «Реал»нинг асосий еврокубок турнири финалида мағлубият аламини тотиб кўрганига нақ 43 йил бўлибди. Аниқроқ айтсак, «Мадрид» Европа Чемпионлар кубоги-1980/1981нинг ҳал қилувчи баҳсида «Ливерпуль» олдида ожиз қолганди. Айтганча, «Қироллик клуби» шундан буён «қизиллар»ни еврофиналда икки марта енгди.

Еврокубокларда «Реал» иштирокидаги охирги 13та финал

Мавсум-1980/1981 (ЕЧК). «Ливерпуль» (Англия) - 0:1

Мавсум-1982/1983 (КЭК). «Абердин» (Шотландия) - 1:2

Мавсум-1984/1985 (УЕФА кубоги). «Видеотон» (Венгрия) - 3:0, 0:1 

Мавсум-1985/1986 (УЕФА кубоги). «Кёльн» (Германия) - 5:1, 0:2

Мавсум-1997/1998 (ЧЛ). «Ювентус» (Италия)  - 1:0

Мавсум-1999/2000 (ЧЛ). «Валенсия» (Испания) - 3:0

Мавсум-2001/2002 (ЧЛ). «Байер» (Германия) - 2:1

Мавсум-2013/2014 (ЧЛ). «Атлетико» (Испания) - 4:1

Мавсум-2015/2016 (ЧЛ). «Атлетико» (Испания) - 1:1 (5:3)

Мавсум-2016/2017 (ЧЛ). «Ювентус» (Италия) - 4:1

Мавсум-2017/2018 (ЧЛ). «Ливерпуль» (Англия) - 3:1

Мавсум-2021/2022 (ЧЛ). «Ливерпуль» (Англия) - 1:0

Мавсум-2023/2024 (ЧЛ). «Боруссия» Д. (Германия) - 2:0