«Реймс» унутилган рекордини такрорлади

Жамоа иккита тезкор гол урди - 4-дақиқада Дзюня Ито ва 7-дақиқада Маршалл Мунетси ўз номларини таблога ёздириб қўйди. Маълум бўлишича, «Реймс» 1960 йилдан бери Франция чемпионати доирасидаги ўйинда бунчалик тез 2та гол урмаган эди. 1960 йил 28 майда «Гавр»га қарши ўйинда ушбу воқеа содир бўлганди. Ўша мавсумда «Реймс» ўз тарихида бешинчи марта Франция чемпиони бўлган, «Гавр» эса еттинчи ўринни эгаллаган. Чемпионатнинг навбатдаги, йигирма олтинчи турида «Реймс» ўз майдонида «Аяччо»ни қабул қилади. Бу баҳс 5 мартда содир бўлади.