«Ростов» Акмал Холматовнинг уғли Диёр Холматовга қизиқмоқда-ми?

«Инсайды от Карпа // Карпов» телеграм каналининг ёзишича, «Ростов» клуби «Пахтакор» футболчисига қизиқиш билдирмоқда. Қайд этилишича, ростовликлар бош мураббийи Валерий Карпиннинг ўзи Ўзбекистон олимпия жамоаси аъзосига қўнғироқ қилган.
«Пахтакор» клуби расмийси Равшан Салимов эса бу борадаги хабарда клубнинг хабардор эмаслигини маълум қилган.
«Россияда Карпин Диёр Холматовга қўнғироқ қилиб уни «Ростов»га чақиргани ҳақида маълумот чиқди. Лекин нимагадир бу қўнғироқдан Диёрнинг хабари йўқ. Унга ҳеч ким қўнғироқ қилмаган. «Пахтакор»дагиларда ҳам бу ҳақида ҳеч қандай маълумот йўқ. Қизиқ, бу ўйинни ортида нима ётар экан-а?», - дея ёзади Салимов.

Айтганча, Диёр   ўз вақтида Тожикистон миллий термаси (2003-2007 й), ”“Нефтчи”(1996-2007 й) ва “Пахтакор” (2008-2010 й)да жавлон урган Акмал Холматовнинг уғли ҳисобланади.