Рожерсни Лондонда кутишмоқда

Клуб шимолий ирландиялик 50 ёшли мураббий билан шартнома томонларнинг ўзаро келишувига кўра бекор қилинганини маълум қилди. «Лестер» сўнгги 7та ўйинда 6 марта ютқазиб, бир бор дуранг ўйнади. 25 очко жамғарган жамоа турнир жадвалида 18-ўринни эгаллаб, қуйи лигага тушиб кетиш ҳудудида бормоқда. Рожерс 2019 йилдан бери «тулкилар»га устозлик қилаётганди. 2021 йилда у клуб билан Англия Кубоги ва Суперкубогини қўлга киритди. Журналист Бен Якобс фикрига кўра, Бренден Рожерснинг истеъфоси нормал ҳолат. У бу ҳақида шундай дейди: «Бу воқеа мени ҳайратга солмади. Менимча, Рожерснинг кейинги манзили «Тоттенхэм» бўлади. Унинг «Лестер»даги салбий рекордлари бунга таъсир қилмайди деб ўйлайман. Рожерс Даниэль Леви томонидан қизиқишларга сабаб бўлган».