Салоҳнинг янги клуби аниқ

Таниқли инсайдер Экрем Конурнинг маълум қилишича, саудияликлар мисрлик тўрурарни қишки трансферлар ойнаси очилиши билан катта сумма эвазига ўз сафларига қўшиб олишмоқчи. Таъкидлаш жоизки, шайхлар ёзда Муҳаммад Салоҳ трансфери учун 200 миллион евро тиккан эди. Қолаверса, футболчини энг катта маош оладиган ўйинчига айлантириш ваъдасига ҳам берилган. Шунга қарамай, бу трансфер амалга ошмай қолди. Муҳаммад Салоҳ 2017 йилдан бери «Ливерпуль» шарафини ҳимоя қилмоқда. Клуб раҳбарияти бир ярим йиллик шартномаси қолган ўйинчини сотиб юборишга қарши эмас. Айни пайтда «Ливерпуль» мутасаддилари мисрлик форварднинг ўрнини боса оладиган футболчи қидираётгани ҳам маълум.