Себальос шартномасини узайтирди

Футболчи янги шартнома имзолаш учун Майамидан Мадридга қайтиб келди. Битим 2027 йилгача амал қилади. Қайд этилишича, футболчига бир қанча клублар, жумладан, «Атлетико» ва «Бавария», шунингдек, Қатар ва Саудия Арабистони жамоалари ҳам қизиқиш билдирган. «Қироллик клуби» шу ҳафта испаниялик футболчи билан шартнома узайтирилишини расман эълон қилиши кутилмоқда. Себальос ўтган мавсум Ла Лигада 30та ўйинда майдонга тушиб, 4та голга ассистентлик қилган.