«Севилья» Иско билан хайрлашди

30 ёшли испаниялик футболчи 2022 йилнинг ёзида эркин агент сифатида «Реал»дан Андалусия клубига ўтганди. Иско ўтган ярим мавсум давомида «Севилья» сафида барча турнирларда 19 ўйинда 1та гол ва 3та ассистга муаллифлик қилган. Унинг амалдаги келишуви 2024 йилга қадар имзоланган эди. Аввалроқ, Искога «Вулверхэмптон» қизиқиш билдираётгани ҳақида хабар қилинганди. Ушбу жамоани андалусияликларнинг собиқ мураббийи Хулен Лопетеги бошқармоқда.