Симеоне маоши камайган

Пайшанба куни клуб аргентиналик мутахассис билан шартнома узайтирилганини расман эълон қилди - келишув 2027 йилгача амал қилади. Cadena SER хабарига кўра, Симеоненинг маоши аввалги шартномасига нисбатан деярли 30 фоизга камайган. Бундан буён мураббий бир мавсумда тахминан 12 миллион евро ишлаб олади. Диего Симеоне 2011 йилнинг декабридан буён «Атлетико Мадрид»да ишламоқда. Айни дамда «матрасчилар» Ла Лига турнир жадвалида пешқадам «Жирона»дан 6 очко ортда қолиб, 4-ўринни эгаллаб туришибди.