СТАТИСТИКА :«Атлетико» ўз жойида

By Хўжа Абдулаҳад AA 02 Jul, 2022 5 mins read 950 views

0 comments 0 likes

Якунланган мавсумни Испания чемпиони мақомида бошлаган Диего Симеоне бошқарувидаги «Атлетико» якунда Примеро тахтини «Реал»га топширди.

Лекин «матрасчилар» битта жиҳат бўйича «чемпионлик»ни муносиб ҳимоя қилишди, барибир. Гап қизил карточкалар тўплами ҳақида кетмоқда.

Европанинг кучли 5та лигаси (Англия, Испания, Италия, Германия ва Франция чемпионатлари)да иштирок этган 98та клубнинг якунланган мавсум қизил карточкалар бўйича қандай статистика қайд этганига эътибор қаратсак, «Атлетико»га етадигани йўқ. Диего Симеоненинг тажовузкор жамоаси барча турнирлар доирасидаги 51та ўйинда 12та «қизил» тўплади. Бу - айнан «матрасчилар» ўйин услубига мос натижа.

Мавсум давомида энг кўп четлатишга мубтало бўлган 10та клубдан 4таси Испанияники. Бу Ла Лигада футбол нисбатан қўполроқ эканлигидан далолат. Ҳа, яна испаниялик рефериларнинг ўйинларни қаттиққўллик билан бошқаришларидан ҳам.