Субименди учун 60 миллион тайёр

Журналист Маттео Мореттонинг хабарига кўра, мерсисайдликлар «Реал Сосьедад» ярим ҳимоячисига жиддий қизиқиш билдирмоқда. Клуб Субимендига товон пули тўлаш ёки яримҳимоячини қулай тўлов усули ёрдамида бироз каттароқ қийматга сотиб олиш имкониятини кўриб чиқмоқда. 25 ёшли футболчининг фикри ҳал қилувчи рол ўйнайди. Аввалроқ Субимендининг товон пули 60 млн еврони ташкил этиши хабар қилинганди. Ярим ҳимоячи Ла Лиганинг ўтган мавсумида 31та ўйинда майдонга тушиб, 4та гол урган ва 1та голга ассистентлик қилган. У ёзда Испания миллий жамоаси билан Евро-2024 ғолиби бўлди.