«Сурхон» клуби «Eriell Group» бошқарув раиси томонидан сотиб олинди

Термиз клуби ҳомийлиги «Eriell Group» компаниясига 2021 йил охирида бириктирилган эди. 2023 йил бошида эса клубнинг Сурхондарё вилояти ҳокимлигига тегишли давлат улуши ушбу компаниянинг бошқарув раиси Бахтиёр Фозилов томонидан тўлиқ сотиб олинган.  
Айтганча, Orginfo.uz маълумотига кўра, «FC Surhan» МЧЖнинг 100 фоизлик улуши Бахтиёр Фозиловда бўлиб, клубнинг устав фонди 1 миллиард сўмни ташкил этади. 

Маълумот учун, Бахтиёр Фозилов 2004 йил ўзи асос солган «Eriell Group» нефть ва газ соҳасидаги йирик компания кенгаши раиси саналади. Шунингдек, «Enter Engineering», Самарқанддаги «Буюк ипак йўли» халқаро туристик маркази, «Air Samarkand» авиакомпанияси, Тошкентдаги «Humo Arena» ва Самарқанддаги «Family Park» мажмуаси таъсисчиларидан бири саналади.