Тедеско истеъфога чиқарилиши мумкин

«Спартак»нинг собиқ бош мураббийи Бельгия термасини 2023 йилнинг февралидан буён бошқариб келмоқда. Унинг қўл остида жамоа Евро-2024 1/8 финалига чиқди ва Миллатлар лигаси гуруҳида 3-ўринни эгаллади. Охирги 8 учрашувда бельгияликлар фақат битта ғалабага эришган.

Бельгия Қироллик футбол ассоциацияси (RBFA) директорлар кенгашининг эртага бўлиб ўтадиган йиғилишида мураббийнинг келажаги кўриб чиқилади, дея хабар беради журналист Саша Тавольери. Кенгаш аъзолари Тедесcо билан ҳамкорлик бўйича якуний қарор қабул қилишлари кутилмоқда.

Қайд этилишича, Бельгия терма жамоасининг кийиниш хонаси «мураббийдан бутунлай юз ўгирган».