Тен Хаг ҳаракатга тушиб қолди...

Эрик тен Хаг жароҳат олган Люк Шоу ва Рафаэль Вараннинг ўрнига бошқа ҳимоячи олмасдан вазиятдан чиқиб кета олмайди. Фабрицио Романонинг маълум қилишича, манчестерликлар «Челси»нинг қимматбаҳо ҳимоячиси Марк Кукурельяни ўз сафига қўшиб олмоқчи. «МЮ» испаниялик футболчини ижарага олиб, чап қанот мудофаасини мустаҳкамлашни режалаштирмоқда. «Челси» Кукурелья учун «Брайтон»га 63,5 миллион евро тўлаган эди. 25 ёшли ўйинчи «аристократлар» билан 2028 йилгача шартнома имзолаган.

Нидерландиялик мутахассис Тейрелл Маласия хизматидан ҳам фойдалана олмайди. У мавсумолди тайёргарлик жараёнида шикастланган. Ҳозир «Манчестер Юнайтед»да чап қанотда 20 ёшли Альваро Фернандес бор холос. Клуб «Челси» ва «Саутгемптон»нинг собиқ футболчиси Райан Бертранга қисқа муддатли шартнома таклиф қилмоқчи. 34 ёшли ҳимоячи сўнгги бор АПЛда 2021 йилнинг октябрида ўйнаган. Кейинчалик у ҳам оғир жароҳат олиб, оёғини операция қилдирди. Ўтган мавсумда Бертранни «Лестер» ўз сафига қўшиб олганди. Бироқ, асосий таркибда бирор марта майдонга туширилмаган ўйин ёзда эркин агентга айланди.

Манкуниаликлар шунингдек, «Тоттенхэм»нинг 26 ёшли ҳимояси Серхи Регилонни Люк Шоуга ўринбосар сифатида кўрмоқда. Регилон ўтган мавсумни «Атлетико» сафида ижара асосида ўтказганди. У жорий мавсум «шпорлар» таркибида бирорта расмий учрашувда ҳаракат қилмади.