Триппьер ортиқ Англия ТЖда ўйнамайди

33 ёшли футболчи қарорини ижтимоий тармоқлардаги саҳифалари орқали эълон қилди. «Ёшлигимда Англия миллий жамоасида 54та ўйин ўтказишим ҳақида ўйламагандим. Менга йиллар давомида ишонгани учун Гарет Саутгейтга ва унинг штабига катта раҳмат. Барча жамоадошларимга миннатдорчилик билдираман. Бизда биргаликда ажойиб лаҳзалар бўлди - жаҳон чемпионати ярим финали, икки марта Евро финали. Келажакда бу жамоа йирик турнирларни ютишига ишонаман. Бизни қийин пайтларда қўллаб-қувватлаган мухлисларга ҳам ташаккур», - деб ёзади Триппьер. Ҳимоячи Англия миллий жамоасида 54 ўйинда 1та гол урган, «уч шерлар» билан икки мартадан ЖЧ ва Еврода иштирок этган.