Туғилган кунинг билан, «замбарак»!

Фаолияти давомида асосан «Реал» равнақига хизмат қилган собиқ ҳимоячи вақтида ўзининг замбаракдан отилган ўқ каби кучли зарбалари билан не-не дарвозабонлар учун ҳақиқий даҳшатга айлангани - ҳақиқат.

Роберто Карлоснинг жами 883та расмий ўйинда 108та гол ургани кўп нарсадан далолат. Ҳимоя чизиғи вакили учун фантастик натижа. Қолаверса, бразилиялик ҳисобидаги самарали узатмалар сони янада кўп - у 140та голга ҳаммуаллифлик қилган. Роберто Карлос буларнинг ортидан 21та жамоавий совриндан катта коллекция ясаганини алоҳида таъкидлаш керак. Унда жумладан, жаҳон чемпионати олтин медали ҳам бор.