Аморим “Ўйин услубимизни ўзгартиришимиз керак”
«Манчестер Юнайтед» бош мураббийи Рубен Аморим инглиз клубида нимани ўзгартириш кераклиги ҳақидаги саволга жавоб берди.
Аниғроғи, Отабек Шукуров ва Азизбек Турғунбоевлар Туркияда "тирикчилик" қиладиган бўлишди.
ОК-2023 стартидан олдин «Фотиҳ Карагюмрук» билан хайрлашган Отабек Шукуров фаолиятини Туркиянинг «Кайсериспор» жамоасида давом эттирадиган бўлди. «Кайсериспор» президенти Али Чамли клуб Отабек Шукуров билан шартнома имзолаганини расман маълум қилган.
Айтганча, «Кайсериспор» Туркия Суперлигасида 24-турдан кейин 20 жамоа орасида 28 очко билан 13-ўринни эгаллаб турибди.
Шунингдек, "Пахтакор"нинг 29 ёшли наманганлик ярим ҳимоячиси Азизбек Турғунбоев ҳам Туркиянинг «Сиваспор» клуби аъзосига айланганди.
Турғунбоев Осиё кубоги-2023да 5 ўйинда майдонга тушиб, 2та голга муаллифлик қилди. У ўтган мавсум Суперлигада 24 ўйинда 5та голга муаллифлик қилиб, якунда «Пахтакор» билан чемпионликни қўлга киритган эди.
Маълумот учун, ўзбекистонлик футболчи Туркияда легионер ҳисобланмайди. «Сивасспор» клуби Туркия Суперлигасида 24-турдан кейин 30 очко билан 10-ўринда бормоқда.
