Тухелга ишонч қолмади...

Bild нашрининг хабар беришича, ярим ҳимоячилар Жошуа Киммих ва Леон Горецка ҳамда ҳимоячи Маттейс де Лигт бош мураббий Томас Тухелга ишонмайди ва шу сабаб Мюнхен грандинидан кетмоқчи. Агар бу футболчилар клубни тарк этишса, «қизиллар» раҳбарияти янги трансферлар ҳақида ўйлашига тўғри келади. Киммихга «Барселона» ва «Манчестер Сити» жамоаларидан қизиқиш борлиги ҳақида хабарлар тарқалган эди. Эслатиб ўтамиз, «Бавария» навбатдаги ўйинида ҳам ютқазди: ЕЧЛ 1/8 финали доирасида «Лацио» меҳмони бўлган мюнхенликлар 0:1 ҳисобида мағлуб бўлишди.