Усмон «ПСЖ»га ўтмоқда

Журналист Санти Ауна хабарига кўра, Каталония клуби вингери парижликлар билан 2028 йилгача мўлжалланган шартнома борасида келишиб олган. Қайд этилишича, «ПСЖ» трансфер учун 50 миллион евро тўлайди. Ушбу сумманинг ярми футболчининг ўзига тегади. Франциялик ҳужумчи 2017 йилдан буён «Барселона»да ўйнаб келмоқда. У Дортмунднинг «Боруссия»сидан 105 миллион евро эвазига кўчиб ўтганди.

Ушбу хабардан кейин «Барселона» Усмон ўрнига футболчи топиш устида ишламоқда. Агар Дембеленинг трансфери амалга ошса, «Барса» «Манчестер Сити»дан Бернарду Силвани қўлга киритиш учун қўлидан келган барча ишни қилади, дея хабар бермоқда Relevo. Айнан 28 ёшли португалиялик мураббий Хави Эрнандес учун ўнг қанот ҳужумдаги идеал вариант ҳисобланади. «Трансфермаркт» экспертлари Бернарду Силванинг нархини 80 миллион еврога баҳоламоқда. Баъзи маълумотларга кўра, футболчининг ўзи каталонияликлар сафига ўтмоқчи, аммо «Сити» уни сотмоқчи эмас.