Виталий Левченко: " Клубдаги молиявий аҳвол — бу жамоанинг ички иши "

Абдуваҳоб Аҳмадалиев ("Турон" ФК бош директори): -Жамоада бош мураббий ўзгараётгани сабаб, бугун матбуот анжуманида бевосита ўзим иштирок этяпман. Дербига хос шиддатли учрашув гувоҳи бўлдик. Таблодаги ҳисоб адолатли бўлди деб ҳисоблаймна. Янги бош мураббий билан музокаралар давом этмоқда. Яқин кунларда оммага расмий эълон берилади. Ашурматовнинг истеъфоси ҳақидаги қарор анча аввал қабул қилинган эди. Расмий хабар бироз кечроқ эълон қилинди.

Виталий Левченко («Нефтчи» бош мураббийи): -Ғалабани сақлаб қолишни истагандик, аммо, уддасидан чиқа олмадик. Икки қўшни жамоалар майдонга тушишди ва бу иккала жамоа учун ҳам принципиал баҳс эди. Дурангни режа қилмагандик. Жамоага бироз совуққонлик етишмади.

Сўнгги ўйинлардаги хатолар чарчоқ билан боғлиқ деб ўйлайман. Футболчиларда жисмоний жиҳатдан чарчоқ сезиляпти. Бу борада ишлаймиз, албатта.

Ўйин давомида тактик жиҳатдан ўзгариш қилиш ва схемамизни 5-4-1га ўзгартиришга уриндик, алмаштиришлар ҳам шу билан боғлиқ. Аммо уддасидан чиқолмадик, куч етмади. Рақиб эса, ҳисобни тенглаштиришга уринди ва бунга эришди. Кимдир натижани ушлаб қолишни истади, кимдир эса гол уришни. Якунда эса дуранг қайд этилди.

Клубдаги молиявий аҳвол — бу жамоанинг ички иши. Бу нарсалар ҳақда гапиришни истамайман. Натижаларни молиявий аҳвол билан боғламаган бўлардим. Натижалар машғулотлар ва тайёргарлик маҳсулидир...