Кроос Европада йил ўйиниси деб топилди
«Реал» ва Германия миллий жамоасининг собиқ яримҳимоячиси Тони Кроос «Golden Boy» мукофотини топшириш маросимида Европада йил футболчиси совринини қўлга киритди.
La Gazzetta dello Sport нашрининг хабар беришича, Хвича Кварацхелия «Наполи»да яна бир мавсум қолмоқчи. Айнан шу йўл билан футболчи янада ўсиб, кейинги даражага чиқмоқчи. Хвичанинг отаси ва агенти ҳам бу фикрни қўллаб-қувватлашмоқда. Грузиялик вингер Неаполда ҳозирда 1,5 миллион евро ишлаб топади ва янги 2028 ёки 2029 йилгача мўлжалланган шартномага кўра, йилига камида 4,5 млн. евро, бонуслар билан бирга, ишлаб топади. Футболчининг ўзи қолиш истагидалигига қарамай, «Наполи» ва Кварацхелиянинг вакиллари ҳали янги шартноманинг моддий томони ҳамда товон пули ҳақидаги банд ҳақида келишиб улгуришмаган. Маълумот учун, Хвича «Наполи»га 2022 йилда келиб қўшилганди. Унинг амалдаги шартномаси 2027 йилнинг ёзига қадар мўлжалланган. Аввалроқ, «Наполи» Виктор Осимхен билан янги шартнома имзолагани ва унда футболчи трансферининг товон пули 120-130 млн. евро этиб белгилангани ҳақида хабар берилганди.
