Ёшлар термамизнинг рақиби Индонезия "жиддий равишда" кучаяди шекилли...

Қуръадан 2 кунча олдин Индонезия ФФ офисига икки футболчи ташриф буюрди: Ивар Женнер (2004 йили туғилган) ва Жастин Хубнер (2003 йилда туғилган). Ҳар иккиси асли индонезиялик ва ота-боболари юрти учун ўйнашни хоҳлайди. Демак, Женнер ва Хубнер аввалига Ўзбекистон мезбонлик қиладиган ОК-2023, кейин 2023 йилнинг май-июнь ойлари айнан Индонезияда ўтказиладиган ёшлар ўртасидаги жаҳон чемпионатида қатнашишлари мумкин. Женнер айни пайт Нидерландиянинг «Утрехт» клубида ўйнаётган бўлса, Хубнер «Вулверхемптон» ёшлар жамоасида шуғулланмоқда.
Алишер НИКИМБАЕВ