«Юве» Сергей билан келишиб олди

Николо Скира хабарига кўра, «кекса синьора» сербиялик футболчига 4 йиллик шартнома ва мавсумий 5,5 млн. евро маош таклиф қилган. Энди клублар ўзаро келишиб олишса бўлгани. Аслида Рим клуби Сергей Милинкович-Савич билан хайрлашишни истамаяпти, лекин у келаси мавсумда эркин агентга айланади. Шуни ҳисобга олган ҳолда «Юве» трансфер учун 30 млн. евро тўлашга тайёр турибди. Римликлар таркибида 8 мавсумдан буён ҳаракат қилаётган Милинкович-Савич 341 ўйинда қатнашиб, 69та гол ва 59та ассист қайд этган.