Самвел Бабаян: "Биз сюрприз тайёрлайдиган жамоа эмасмиз"

Луисма Эрнандес ( "Металлург" устози): - Баъзи   футболчиларнинг   индивидуал     хатолари     сабаб   биринчи   бўлимда   иккита   гол   ўтказиб   юбордик.     Футболчиларимнинг   ўйинга   бўлган   муносабатидан   кўнглим   тўлмади. 
Ўтган   сафар   таъкидлаганимдек,   мавсум   олди   тайёргарликни   кўнгилдагидек   ўтказа   олмаганлигимиз,   янги   футболчиларнинг   жамоага   киришиб   кетиши   ҳам   секин   кечмоқда.   Бундан   ташқари,   айрим   футболчиларнинг   ишга   бўлган   муносабатини   ўзгартиришимиз   керак.   Қолаверса,   ҳимоя   чизиғидаги   футболчиларимизда   жароҳатлар   мавжуд.   Бу   ҳам   ўз   таъсирини   ўтказмоқда.   Мақсадимиз,   ўтган   йилги   натижани   яхшилаш.   
“Навбаҳор”   мавсумни   кўтаринки   руҳда   бошлади.   Бунда   жамоа   уй   учрашувларини   ўтказганлигини   ҳам   инобатга   олиш   зарур.   “Пахтакор”   икки   ўйинда   имкониятни   бой   берди,   аммо   бу   мавсумнинг   боши.   Шунга   қарамай,   мен   бўлажак   баҳсда   наманганликларнинг   имкониятини   юқори   баҳолайман .. . 

Самвел   Бабаян   ("Навбаҳор" устози) : -Ўйин   нисбатан   осонроқ   кечганига   қарамай,     сўнгги   дақиқаларгача   мухлисларга   ёқадиган   комбинацион,   аниқ   ва   чиройли   футбол   намойиш   этишгани   учун   футболчиларга   ҳам   раҳмат   айтмоқчиман. 
Бизнинг  олдимизга  қўйилган  жорий  мавсумдаги  талаб  ўтган  мавсумдагидан  ҳеч  қандай  фарқ  қилмайди.  Ягона  фарқ  шуки,  “Навбаҳор”нинг  ҳозирги  таркибидаги  ижрочилар  машғулотларда  ҳам,  ўйин  пайтида  ҳам  биз  берган  кўрсатмаларни  аниқ  бажара  олади.  Тактик  схемаларга  келадиган  бўлсак,  жамоа  ҳимояда  ҳам,  ҳужумда  ҳам  бирдек  яхши  ўйнаши  керак. 
Биз  сюрприз  қиладиган  жамоа  эмасмиз.  Биз  мухлисларимизни  хурсанд  қиладиган  ва  натижа  кўрсатадиган  жамоамиз…