«Сантос» Неймарни қайтаришга ҳаракат қилади

Неймар ҳақида «Сантос» президенти лавозимини эгаллаб турган Андрес Руэда изоҳ берди. Айнан шу клубда Неймар 2013 йилда «Барселона»га ўтишдан олдин ўзининг фаолиятини бошлаган. «Неймарнинг отаси билан тез-тез гаплашиб турамиз, фикр алмашамиз. Неймарнинг «ПСЖ»даги ҳолатини ҳисобга олган ҳолда, «Сантос» у учун ҳар доим эшикларни очиқ қолдиради ва унинг қайтишини орзу қилади. Неймар кетгач, қачондир қайтиб келишини айтган. Менинг вазифам ҳеч бўлмаганда буни амалга оширишга ҳаракат қилишдир» - деди Руэда Radio Guaruja билан суҳбатда.