Шченсни «Юве»дан кетди

Турин клуби расмий сайти польшалик дарвозабон жамоани тарк этганини эълон қилди. «Юве» Шченснига компенсация тўлайди, аммо қанча экани маълум қилинмаган. Польшалик дарвозабон ўтган мавсум «Юве» сафида «А» Серияда 35 ўйинда майдонга тушганди. Томонларнинг амалдаги келишуви 2025 йилга қадар мўлжалланган эди. Эслатиб ўтамиз, Войчех 2017 йилда «Ювентус»га ўтган ва клуб сафида 7 йил фаолият юритиб, 252та ўйинда майдонга тушганди. Журналист Жанлуки Ди Марционинг хабарига кўра, 34 ёшли Шченсни яхши таклиф олмаса, фаолиятини якунлаши ҳам мумкин. Аввалроқ, унга «Монца» ва «Ал-Наср» клубидан қизиқиш бўлгани ҳақида хабарлар тарқалганди.