Соучекка жиддий таклифлар бор

The Sun нашрининг хабар беришича, «Ньюкасл», «Эвертон» ва «Астон Вилла» чехиялик футболчини ўз таркибида кўрмоқчи. Аммо «болғачилар» Соучекни қўйиб юборишни истамаяпти. Деклан Райсга инглиз грандлари томонидан жиддий қизиқиш билдирилмоқда ва Лондон клуби уни ўзида ушлаб қола олмаган тақдирда, Соучекни ярим ҳимоя марказининг асосий футболчисига айлантирмоқчи. Маълумот учун, 27 ёшли футболчининг «Вест Хэм» билан амалдаги шартномаси 2024 йилгача мўлжалланган.