Сречко Катанец: «Қатарни ўз уйида ҳам мағлуб қилганман...»

Сречко Катанец: - Эртага яни бир фарқли ўйин. Футболчиларимни тайёрлашга ҳаракат қилдим. Ўзимизга ишонч билан яхши ўйин кўрсатамиз, деб ўйлайман. 
Диёр Холматов? У Дубайдаги йиғинда ўзини кўрсатди, машғулотларда яхши ишлади. Таиландга қарши дебюти ҳам ажойиб ўтди. Мен учун кутилмаган сюрприз бўлди, десам ҳам бўлади. Аммо эртага ўйнайдими ёки йўқ, буни аниқ айта олмайман.
Жароҳатланганлар ва касалланганлар? Жароҳатланганлар уйга қайтди, шамоллаганларнинг эса ҳолати яхши. Умид қиламанки, бу борада ҳаммаси жойида бўлади. 
Ўтган Осиё Кубогида Ироқ билан Қатарга ютқазганим? Буни эслатганингиз учун раҳмат. Лекин уларни Кўрфаз кубогида шу ерда мағлуб этганман. Жамоам шаклланган. Ютқазмадик, кам тўп ўтказяпмиз. Рақиб ҳам биздан қўрқиши керак.
Ўтган турнир билан солиштирса, 1/4 финал Ўзбекистонга яхши натижами? Қайтараман, ўйиндан ўйинга ўтамиз. Футболчиларга ишонаман. Ҳакамлар мезбонларга ён босиши мумкинми? Уларга омад тилайман.

Одил Ҳамробеков: Навбатдаги ўйинни амалдаги чемпион, мезбон Қатарга қарши ўтказамиз. Бу жамоада иқтидорли ва тажрибали футболчилар бор. Шу билан бирга биз ҳам ўйинга тайёрмиз.
Қатарга қарши баҳсда стадион тўла бўлса иккала жамоага яхши бўлади. Тўғри эртага мезбон мухлислари кўп бўлади, аммо биз олдимизга қўйилган мақсадимиз бор ва диққатимиз шунга жамлаймиз...

Эслатиб ўтамиз, ўйин эртага, 3 феврал куни Тошкент вақти билан 20:30да бошланади.