Суарес «Милан»га ўтишга яқин

35 ёшли футболчи «Милан» билан шартнома имзолашга яқин. Уругвайлик учун курашда «Монца» ҳам иштирок этмоқда. Италия клублари уругвайликка бонусларсиз йилига 4 млн. евро тўлашга тайёр, дея хабар беради АS нашри. Агент Марко Кирдемир Луиснинг келажаги ҳақида гапирди:

«Мен Суарес учун таклифларни кўриб тураман ва у билан доимо мулоқот қиламан. У қандай таклифлар олишини биламан. «Фенербаҳче» унга 6 млн евро таклиф қилди, бироқ Луис рад жавобини берди. У Италияда ўйнашни хоҳлайди. «А» сериядан икки таклиф бор, улардан бири - «Монца»дан. Дебютант жамоа унга йилига 4 млн. евро таклиф қилди. Аммо унинг имидж ҳуқуқлари қиммат, шунинг учун маоши кўпроқ бўлади».

Маълумот учун, 2018 йилдан бери «Монца» «Милан»нинг собиқ хўжайини Сильвио Берлусконига тегишли, Адриано Галлиани («Милан»нинг собиқ директори) эса клуб бош директори саналади. Суарес «Атлетико»ни шу ёзда шартномаси муддати тугагани сабабли тарк этди. Ҳозир у эркин агент ҳисобланади.