«Брайтон»дан Тейлор Свифт мухлисларига мурожаат
«Брайтон» ўз етакчиларидан бири, япониялик ярим ҳимоячи Каору Митоманинг АПЛда август ойи лауреати бўлишини таъминлаш учун кутилмаган юришни ўйлаб топди.
Мураккаб тус олган ўйинда ҳисобни ярим ҳимоячи Федерико Вальверде очди - 80-дақиқа, чиройли ва ўта зарур гол. Футболчи шунга яраша ўз муваффақиятини ўта ёрқин хатти-ҳаракат билан нишонлади.
Уругвайлик ярим ҳимоячи бор ҳис-туйғулари ва эҳтиросини бир неча сония ичида тўлиқ намойиш этди ва бу лаҳзалар мухлислар миясига муҳрланди. Фақат кўпчилик Феденинг голи ва уни нишонлаш жараёни олдидан кузатилган кичик можарога унча эътибор қаратмади. Гап шундаки, ўйин вазиятларидан бирида «РБ Лейпциг» ҳимоячиси Давид Раум уругвайликни тўхтатиб қололмай, уни жон ҳолатда қўлидан тортганди. Шу тариқа майдонда кичик драма юзага келди ва ҳакам аралашуви ҳам талаб этилди.
Вальверде чиройли тарзда гол урган паллада эса Раум шунчаки, тўп траекториясини кузатишга яради, холос. Хуллас, Феде голни айнан Давид кўз ўнгида бошқача нишонлаш иштиёқига бўйсинди ва барчасини катта эҳтирос билан намойиш қилди. Ҳа, Вальверде рақибининг ноўрин ҳаракатига шу тариқа жавоб қайтарди. Бу - ижобий маънода қасос! Феде - «Қироллик клуби»нинг чин футболчиси!
