Тактик фолчилар ва жанжалкашлар диққатига!

Тhe Telegraph хабарига кўра, футбол қоидаларини бошқарадиган ва тартибга соладиган Халқаро футбол ассоциацияси кенгаши (IFAB) ўзгартиришни аллақачон маъқуллаган ва тез орада эълон қилади. Ҳакам ўйинчиларга истиқболли ҳужумни тўхтатиб қўядиган тактик фол учун, шунингдек, эътироз ва тортишувлар учун кўк карточка кўрсатади. Кўк карточка олган футболчи 10 дақиқага майдондан четлатилади. 2та кўк ёки кўк ва сариқ карточка олган футболчига қизил карточка кўрсатилади. Кўк карточка ҳозирча топ мусобақаларда пайдо бўлмайди, бироқ уни ёзда Англияда синаб кўриш мумкин - масалан, Англия Кубогида.