РАКУРС: «А» серия якунининг жозибаси
«Интер»ни ҳозирдан навбатдаги скудетто билан табриклаш мумкин.
Лондонликлар футбол бозорида орқа-олдиларига қарамасдан пул сарфлашди ва бу билан топ-клубларнинг трансферлар бўйича балансини мутлақо ўзгартириб юборишди. Дейлик, охирги 10 йиллик трансферларга қарасак, энг катта плюсга эга жамоалар қаторида 25таликка ҳам кирмаган «Шахтёр» (Украина) биргина Михаил Мудрикни сотиш эвазига 13-қаторга кўтарилди. «Бенфика» эса Энцо Фернандес трансфери билан бирданига пешқадамликни қўлга олди. Умуман, охирги 10 йилликнинг трансферлар бозоридаги энг яхши клублари қаторида «Аякс» ва «Порту» ҳам бор.
Трансферлар баланси бўйича энг яхши мавсумлар
Жорий мавсум энг яхши баланс ҳосил қилган 5та клубдан 4тасининг «Челси»га футболчи сотгани эътиборга молик. Булар - «Бенфика» (Энцо Фернандес), «Шахтёр» (Михаил Мудрик), ПСВ (Нони Мадуэке) ва «Монако» (Бенуа Бадиашиле). «Аякс»да эса ўз мижози бор: «МЮ» Нидерландия клубидан Антони ва Лисандро Мартинесни сотиб олди. Эътиборли томони, «Челси» ҳам ёзда Амстердамдан футболчи харид қилиши мумкин эди - «аристократлар» Эдсон Альваресни ўз томонларига оғдиришга уринишди. Диққат қилинг, «Бенфика» охирги 10 йил давомида муайян мавсумга боғлиқ трансферлар баланси бўйича нақ 3 марта топ-гуруҳга кирди. «Монако» эса мавсум-2018|2019да фақат Килиан Мбаппе эмас, яна Тома Лемар (72 млн. евро) ва Фабиньо (45 млн. евро)ни ҳам ўта манфаатли тарзда сотганди. Шунингдек, бир неча кичик трансферлар ҳисобига +221,4 млн. евро кўрсаткичига эришганди. Жорий мавсум трансферлар масаласида «телбавор» бўлганига яна бир далил шуки, кампания-2022|2023нинг бирданига 6 вакили топ-20дан жой олди.
Факт. Трансферлар бўйича энг салбий балансга эга 10та клубдан 9таси АПЛдан. Бу борада «Челси» мутлақ етакчи (-544 млн. евро). АПЛ клублари орасига суқулиб кирган ягона «бегона» - бу «Барселона» (-119 млн. евро).
10 йиллик рейтинг қандай?
Охирги 10 йилда амалга оширилган трансферларнинг жами суммаси баланси бўйича «Бенфика» ва «Аякс» энг юқори ўринларда. Алоҳида таъкидлаш керак, Украинанинг «Шахтёр» клуби биргина Михаил Мудрик трансфери ортидан 27-ўринни 13-қаторга алмаштирди.
Факт. Кучли 10таликда Португалиядан 4та жамоа бор - «Бенфика», «Порту», «Спор-тинг» ва «Брага». Тўғри, мамлакатнинг бошқа жамоалари топ-20да ҳам йўқ.
Лигалар бўйича пойга
Албатта, Португалия Примеросига етадигани йўқ. Чемпионшипнинг кучли бешликдан жой олгани ҳам эътиборни тортади, албатта. Англия футбол тизимининг иккинчи рақамли лигаси асосан АПЛ клубларига футболчи сотиш ҳисобига олдинги қаторларда (умуман, кўплаб чемпионатларда қуйи дивизион жамоалари айнан элитага футболчи етказиб бериш орқали кун кўради).
Факт. Чемпионшип ҳисобидаги 20та энг қимматбаҳо трансфердан атиги 2таси АПЛга дахлсиз: Жуд Беллингем Германия («Боруссия» Д.) ва Арно Данжума Испания («Вильярреал»)га йўл олган.
