Тарихни ўз амбицияларингизга мос равишда қайта ёзиш мумкин эмас

Акс ҳолда, шундай гўзал винеткалар чиқаверади. Унда негадир Абдулҳошим Муталов ЎФФнинг биринчи президенти сифатида кўрсатилган, гарчи у бу лавозимга 1993 йилнинг март ойида сайланган бўлсада. Мустақилликдан кейинги ЎФФнинг биринчи президенти эса Адҳам Фозилбеков бўлиб, у ташкилотни собиқ иттифоқ давридан 1993 йилнинг март ойигача бошқарган. Яъни биринчи миллий чемпионат унинг раҳбарлигида ўтказилган, миллий ва олимпия терма жамоаларига илк мураббийлик тайинлови ҳам унинг даврида амалга оширилган. Бироқ бизга тортиқ этилган «ўзбек футболи энциклопедияси» кўринишидаги китобда на Мираброр Усмонов ва на ака-ука Раҳимовлар тилга олинмагач, яна нима дейиш мумкин? Шахсларга турлича ёндашиш мумкиндир, аммо тарихни ўз амбицияларингизга мос равишда қайта ёзиш мумкин эмас.

Алишер НИКИМБАЕВ