Тен Хаг охирги ўйинга ҳам аралашмайди

By Пўлатов Мухаммадхон 19 May, 2022 3 дақиқа ўқиш 1,319 Кўрилди

0 comments 0 likes

«Манчестер Юнайтед» бош мураббийи Эрик тен Хаг немис мутахассиси Ральф Рангникнинг сўнгги ҳафтада инглиз клубини вақтинчалик бош мураббийи сифатидаги ишига аралашмайди, деб хабар беради ESPN.

Манбага кўра, 52 ёшли нидерландиялик мутахассис янги жамоа тузиш, Австралия ва Таиланд бўйлаб ёзги турнени режалаштириш устида иш бошламоқчи. Шу билан бирга, мураббий АПЛнинг 38-туридан ўрин олган «Кристал Пэлас» билан ўйингача асосий жамоа билан ишлашга таъсир ўтказмайди. Қайд этилишича, ушбу учрашувгача тен Хаг Нидерландияда масофадан туриб ишлашни режалаштирган. «МЮ»нинг «Кристал Пэлас»га қарши ўйини 22 май якшанба куни бўлиб ўтади. Ғалаба манкунианликларга Премьер-лигада 6-ўринни ва Европа Лигаси йўлланмасини қўлга киритишни кафолатлайди.