Тилеманс учун 40 млн.ли таклиф...

The Sun нашрининг хабар беришича, «тўпчилар» бельгиялик ярим ҳимоячи учун «тулкилар»га 40 млн евро тўлашга тайёр. Юрининг трансферини шахсан Микель Артета хоҳламоқда. Лондонликлар Тилеманснинг трансфери амалга ошишига ишонмоқда. «Арсенал»дан ташқари «Реал» ҳам Бельгия миллий жамоаси аъзоси атрофидаги вазиятни диққат билан кузатмоқда. «Канонирлар» ЕЧЛга чиқа олмаган тақдирда, ярим ҳимоячи учун курашда «қироллик клуби»нинг имкониятлари ошиб кетиши мумкин. Маълумот учун, Юри Тилеманснинг «Лестер» билан амалдаги шартномаси 2023 йил ёзида якунига етади.