Торресга Италиядан харидор топилди

By Пўлатов Мухаммадхон 13 Dec, 2024 3 дақиқа ўқиш 65 Кўрилди

0 comments 0 likes

Todofichajes хабарига кўра, "Милан" "Барселона" ҳужумчиси Ферран Торрес хизматларига қизиқиш билдирмоқда.

Италия клуби футболчини сотиб олиш опсияси билан ижарага олишга тайёр. Каталонияликлар футболчини камида 30 миллион еврога сотмоқчи.

Хабар қилинишича, испаниялик футболчи Каталонияда бахтли, бироқ ўйин вақти камлиги туфайли клубини алмаштириш ҳақида ўйлаши мумкин. Ферран Торресни "Севилья" ва "Атлетико Мадрид" ҳам кузатиб бормоқда.

Ферран Торрес жорий мавсумда "Барселона" сафида 14 та ўйин ўтказди. Уларда бешта гол урди ва иккита голли узатмани амалга оширди.