Уилшер фаолиятини якунлади

Уилшер бу ҳақда ижтимоий тармоқлардаги саҳифасида маълум қилган. «Бугун мен профессионал футболдан кетганимни эълон қиламан. Фаолиятим мен учун ажойиб саргузаштдек ўтди. Футбол ўйнаб, ўз орзумни амалга оширдим. Барчага раҳмат», - дея ёзган англиялик собиқ ярим ҳимоячи. «Арсенал»даги ўйинлари билан танилган Жек 2008 йилда, 16 ёшидаёқ лондонликлар асосий таркибида дебютини нишонлаган. У шунингдек, «Борнмут», «Вест Ҳэм» ва «Болтон» клублари сафида тўп сурди. Уилшернинг сўнгги клуби Даниянинг «Орхус» жамоаси бўлди. Жек Англия миллий жамоаси сафида 34 ўйинда майдонга тушган.