Усмон Дембеле «Сандерленд» ўйинида, нега?

 Франциялик ҳужумкор футболчи чамаси 6 ҳафтадан буён майдонга тушмаяпти, жумладан, охирги «Эль-классико»ни ҳам ўтказиб юборди. Охирги маълумотларга қараганда, Усмон ФИФА кунларидан кейин майдонга қайтади.

Олдинроқ Дембеленинг ўз уйида тикланаётгани айтилганди. Қизиқ, у шу муҳим паллада нега Англиянинг шимоли-шарқида бўлган ўйинга борди? Айтиш ўринли, Усмон трибунада «Сандерленд» хўжа­йини Кирилл Луи-Дрейфюс ёнида кўриниш берди. Ҳозирча Дембеленинг франциялик миллиардер билан учрашгани сабаби маълум эмас.

Тўғри, айтишларича, Усмон ва Луи-Дрейфюс ўртасида дўст­лик ришталари мавжуд. Улар ўтган йили Бенжамин Менди воситачилигида танишишган. Дембеле ўтган мавсум «Сандерленд» ниҳоят, Чемпионшипга қайтгач, жамоа хўжайинини алоҳида табриклаганди.