Азмун четлатилди

Леверкузен клуби ҳужумчиси огоҳлантиришсиз жамоанинг мавсумолди биринчи машғулотини ўтказиб юборганди. У буни ўзини ёмон ҳис қилгани билан изоҳлади. Шундан сўнг, «Байер» бош мураббийи Хаби Алонсо эронлик футболчини жамоа билан бирга шуғулланишдан четлатди, деб хабар беради Bild. Азмун индивидуал дастур бўйича машғулот ўтказмоқда. Машғулотларни ўтказиб юбориш 29 ёшли ҳужумчининг дисквалификациясига ягона сабаб бўлмади. Таъкидланишича, у клубга ёмон жисмоний ҳолатда қайтган. Сардорга «Севилья» қизиқиш билдирмоқда. Испанияликлар тўлиқ трансфердан кўра ижара вариантини афзал кўришмоқда. Ўтган мавсумда Азмун «Рома»да ижарада ўйнаган ва «А» Серияда 23та баҳсда 3та гол урган.