Бускетс термадаги фаолиятини якунлади

«Барселона»нинг 34 ёшли футболчиси Испания миллий жамоаси сафида 4та жаҳон чемпионатида иштирок этиб, 2010 йил жаҳон чемпионига айланди. Шунингдек, у Евро-2012 ғолиби ҳам саналади. Бускетс Қатардаги жаҳон чемпионатида ҳам 4 ўйинда майдонга тушиб, 1/8 финалда Марокашга пенальтилар сериясида мағлуб бўлиб турнирни тарк этганди. Инсайдер Фабрицио Романонинг ёзишича, Бускетс тез орада клубдаги фаолияти борасида ҳам аниқ қарорга келади. У 2023 йил ёзида АҚШнинг «Интер Майами» клубига кўчиб ўтиши мумкин. Маълумот учун, Серхио жорий мавсум Ла Лигада 12 ўйинда майдонга тушиб, битта ассистга муаллифлик қилган.