«Челси»дан Осимхен учун ажойиб таклиф

Sky Sport Italia хабарига кўра, Лондон клуби Осимхен трансфери учун «Наполи» клубига 90 миллион евро ва Ромелу Лукакуни таклиф қилади. 30 ёшли бельгиялик ҳужумчи ҳуқуқий жиҳатдан «Челси»га тегишли бўлса-да, ижара асосида «Рома»да тўп сурмоқда. Лукаку келаси мавсумда ҳам «А» серияда қолишга қарши эмас. Қайд этилишича, Неапол клуби Осимхенни шартномасида кўрсатилганидек 120 миллион еврога сотишни мақсад қилган. Лондон клуби эса 90 миллион евродан ташқари, Лукакуни 30 миллион евро деб баҳоламоқда. Аввалроқ, Осимхеннинг ўзи ҳам АПЛга кўчиб ўтишни истаётгани ҳақида маълум қилганди.