Фред фаолиятини тугатди

Бразилия терма жамоасининг 38 ёшли собиқ футболчиси жорий мавсумда 20та ўйинда майдонга тушиб, 2та гол ва 2та голли узатмани амалга оширди. Фаолияти давомида Фред «Америка Минейро», «Крузейро», «Лион», «Атлетико Минейро» ва «Флуминенсе» клубларида ўйнаган. «Лион» таркибида ҳужумчи уч карра Франция чемпиони ва мамлакат кубоги соҳибига айланди. «Флуминенсе» билан биргаликда Фред икки марта Бразилия чемпиони бўлди. Бразилия терма жамоаси сафида Фред 39та ўйинда майдонга тушиб, 18та гол урди ва 6та голли узатмани амалга оширди. 2013 йилда терма жамоа таркибида ҳужумчи Конфедерациялар кубогини қўлга киритган.