РПЛ. 16-тур: «Ростов» нохуш анъанани бузди
«Ростов» 2020 йилдан буён ЦСКАни илк марта енгди.
Клуб расмий сайти хабарига кўра, ҳуқуқий жиҳатдан Каталония клубига тегишли бўлган ва ижара асосида «Атлетико» шарафини ҳимоя қилиб келган франциялик ҳужумчи клубнинг тўлақонли аъзосига айланган. Мадрид клуби 31 ёшли футболчининг трансфер ҳуқуқини сотиб олиб, у билан 2026 йилга қадар шартнома имзолаган. Аввалроқ, Мадрид клуби Гризманн учун «Барселона»га 20+4 миллион евро тўлаши ҳақида хабар қилинган эди. Антуан 2019 йил 126 миллион евро эвазига «Атлетико»дан «Барселона»га трансфер қилинганди. Эслатиб ўтамиз, ижарага келишувига кўра, агар Гризманн икки мавсум давомида 50 фоиз ўйинда камида 45 дақиқа ўйнаса, «Атлетико» уни «Барселона»дан 40 миллион еврога сотиб олиши шарт эди. Шу боис клуб бу маблағни тўламаслик учун Симеоне футболчини 60-дақиқадан кейин майдонга тушираётган эди. Томонлар келишувга эришгач, Гризманн охирги тур ўйинида асосий таркибда майдонга тушди.
