Мўмай таклиф рад этилди

By Пўлатов Мухаммадхон 20 Aug, 2024 4 дақиқа ўқиш 118 Кўрилди

0 comments 0 likes

Саудия Арабистонининг номи сир тутилаётган клуби «Реал» футболчиси Эдер Милитаони ўз сафига қўшиб олишга ҳаракат қилмоқда.

Шайхлар 26 ёшли ҳимоячи учун «қироллик клуби»га 100 миллион евро таклиф қилди, деб маълумот тарқатди Goal нашри. Яна бир манба - UOL нашрининг ёзишича, мадридликлар таклифнинг катталигига қарамай, уни рад этишга қарор қилди. Эдер Милитао ўтган мавсумнинг катта қисмини жароҳат туфайли ўтказиб юборган бўлса-да, мутасаддилари бразилиялик футболчини ҳимоя чизиғидаги энг асосий фигуралардан бири сифатида билади. Милитао «Реал»га 2019 йили келган. Шундан бери барча турнирларда 156та учрашувда иштирок этиб, ҳимоядаги вазифаларини бажаришдан ташқари, 11та гол ва 5та ассист қайд этишни ҳам уддалаган.