«Навбаҳор»: Азим Аҳмедов нима учун «Жасур Яхшибоев билан жанжаллашиб, қўл кўтарган эди?

«Навбаҳор» жамоасининг 17 июль кунги машғулотларида яримҳимоячи Азим Аҳмедов ва 2 кун аввал жамоага қўшилган ҳужумчи Жасур Яхшибоев ўртасида келишмовчилик юзага келди. 

Жанжал натижасида Яхшибоевнинг қоши ёрилган, жамоа сардори эса машғулотдан четлаштирилган. Кейинроқ футболчилар ярашиб олишган.  Аҳмедов бўлиб ўтган воқеа юзасидан мухлисларга аудиомурожаат йўллади: 

«Навбаҳор»нинг жонкуяр мухлислари, илтимос, мени ёмон кўрманглар.  Бундай ҳолатлар футболда бўлиб туради. Яхшибоев  билан сал тортишиб қолдик. Ҳозир ҳаммаси жойида, келишиб олдик. Мухлислар, сизларни деб жамоада қолганман. Биласизлар, сизлар учун ҳам, йигитлар учун ҳам туриб берганман. Бундан кейин ҳам шундай бўлади. Келишмовчиликлар машғулотлар тугагач, унутилади. Машғулотдан кейин ака-укадек бўлиб кетамиз. Жасур «Пахтакор»да ўйнаган давримдан бери укамдек бўлиб қолган. Яна бир бор илтимос қиламан: мени ҳақорат қилманлар», — дейди Аҳмедов.