Бразилия терма жамоаси ва Саудиянинг “Ал-Хилол” клуби ҳужумчиси Неймар ўтган йил орттирган жароҳати туфайли узоқ муддатга сафдан чиққанди. Роппа- роса бир йил майдонга тушмаган футболчи “Ал-Хилол” сафига қайтганидан кейинги иккинчи учрашувдаёқ жароҳат олди.
Аниқроғи, кеча «Ал-Ҳилол» Элит Чемпионлар лигаси доирасида «Истиқлол»ни 3:0 ҳисобида таслим этди. Бразилиялик вингер беллашувнинг 58-дақиқасида майдонга тушди ва 87-дақиқада захирага олинди. Аниқланишича, Неймарда сон орқа мушаклари шикастланган. Футболчининг ўзи мазкур жароҳатни у қадар жиддий эмаслигини таъкидламоқда.
