«Реал Мадрид» клуби қачон Килиан Мбаппени таништириши маълум бўлди.
Marca нашрининг хабар беришича, франциялик футболчи кейинги ҳафта Мадридга келади ва «Реал» билан шартнома имзолайди. Шундан сўнг, «Қироллик клуби» Мбаппени таништиради. Мадрид клуби Килиан Мбаппенинг таништирув маросимини «Сантьяго Бернабеу»да ўтказади. Клуб бу махсус тадбирни «тарихда қоладиган» даражада ўтказмоқчи. Ташкилотчилар таништирув маросимининг ҳар бир деталига алоҳида эътибор қаратишмоқда. Бошқа бир манба L’Equipe нашри берган хабарга кўра «Реал Мадрид» Мбаппенинг жамоа аъзоасига айланганини 3 июнь куни эълон қилади. Эслатиб ўтамиз, аввалроқ Килиан Мбаппе «ПСЖ» клубидан кетишини расман эълон қилганди.
