“МЮ” Рэшфорддан имкон қадар тезроқ қутулмоқчи
“Манчестер Юнайтед” клуб тарбияланувчиси Маркус Рэшфордни трансферга қўйган эди.
Анжуманда "Пахтакор" клуби раиси Жаҳонгир Ортиқхўжаев, Раис ўринбосари Дилшод Каримов, жамоа собиқ бош мураббийи Максим Шацкихлар қаторида ва янги бош мураббий Педро Морейра ҳам иштирок этиб журналистларни қизиқтирган саволларга жавоб қайтарди.
- Европадан Осиёга кўчиб ўтиш барибир таваккал ҳисобланади. "Пахтакор"ни танлашингизга айнан нима сабаб бўлди?
- Барчага хайрли кун. Ўзбекистонда эканимдан хурсандман. Максим Шацких 3 йил ичида 2 марта чемпион бўлди. Бу ажойиб натижа. Мен жамоа билан янгича услубда ўйнашни истайман. Бу ерда келишимдан олдин клубни ўрганиб чиқдим ва ўзимда ниманидир ўзгартиришни хоҳладим. Клубнинг ғояси ва режалари менга ёқди. 2024 йилда ёшларга эътибор қилингани келажакда албатта ўз мевасини беради. Клубни ўрганишни бошладим ва кечаги ўйинни ҳам томоша қилдим. Ўйин менга ёқди. Европанинг кўп клубларида ёрдамчи бўлиб ишладим, энди у тарих. Футбол мухлисларини чиройли ўйин орқали трибуналарга қайтаришга ҳаракат қиламиз.
"Пахтакор" ҳақида қандай фикрдасиз?
- Ўзбекистон терма жамоаси Жаҳон чемпионатига чиқиш учун курашмоқда. "Пахтакор"да академия яхши ишламоқда. Сўнгги мавсумда асосий таркибдаги ёшлар ўз тажрибасини оширишмоқда. Ўзим ёшлар жамоасида ишлаб, кейин катталар жамоасига ўтганман. Бизда янгича қарашлар мавжуд. Ҳозирги ёшлар ҳам яхши, уларга янада кучайишлари учун ёрдам берамиз. "Пахтакор" турли тоифаларда чемпион бўлаверади. Бундан ташқари, Шацкихдан ҳам ёрдам сўрайман, чунки у ҳар бир футболчининг имкониятини билади.
- Сиз Пауло Фонсекага ёрдамчи бўлиб ишлагансиз, Шацких ҳам ёрдамчи бўлиб ишлаб, кейин "Пахтакор"га келганди. Дастлабки икки йилда у чемпион бўлди. Ўз олдингизга қандай мақсад қўясиз?
- Тажрибамни ошириш учун кўп йиллар давомида ишлаб келганман. "Пахтакор" ғоялари билан менинг ғояларим мос келди. Биз ҳар ўйинда ғалаба учун майдонга тушамиз. Ҳар бир ғалаба орқали совринларга яқинлашиб борамиз. "Пахтакор" халқаро майдонсиз қолиб кетиши клубга ярашмайди ва мақсадимиз тезроқ Элит ОЧЛга қайтиш бўлади.
- "Пахтакор" ўйин услубини янгилайсизми?
