«Реал» радарида Карим ҳам бор

BILD нашри хабарига кўра, клуб радарига «Боруссия» футболчиси Карим Адейеми ҳам қўшилди. «Қироллик клуби» Адейемининг трансфери учун 80 миллион евро сарфлаши керак. Аммо Каримнинг жамоаси ҳозир уни қўйиб юбормоқчи эмас. Миш-мишларга кўра, «Реал» сотиб олиши мумкин бўлган футболчилар орасида Кейн, Мартинес, Мбаппе ва Ҳакими ҳам бор. Эслатиб ўтамиз, Адейеми 2022 йилда «Боруссия»га «РБ Зальцбург»дан 30 миллион евро эвазига келган. Якунига етган мавсумда у 32 ўйинда майдонга тушиб, 9та гол урди ва 6та ассист амалга оширди.