«Реал» Рабьодан воз кечди

AS нашрининг ёзишича, айрим сабабларга кўра, мадридликлар франциялик ярим ҳимоячига шартнома таклиф қилиш фикридан қайтган. Аввалроқ, Мадриднинг яна бир клуби «Атлетико» 29 ёшли футболчини ўз сафига қўшиб олиш имкониятидан фойдаланмасликка қарор қилганди. Манбанинг таъкидлашича, Адриен Рабьога Англиянинг гранд клубларидан қизиқиш бор. «Манчестер Юнайтед» ва «Ливерпуль» тажрибали ўйинчига иш таклиф қилишни мўлжаллаган. Рабьо профессионал фаолиятини 2012 йили «ПСЖ»да бошлаган. 2013 йилда ярим мавсум «Тулуза»да ижарада ўйнаган. 2019 йили парижликлар билан шартномаси тугаган футболчи эркин агент мақомида «Ювентус» билан шартнома имзолаб, охирги 5 йилни Турин суперклубида ўтказди.