Роналду Сантушдан норози

A Bola хабарига кўра, 37 ёшли форвард бош мураббийнинг айнан унга тўлиқ ўйнаш имкониятини бермаётганидан норози бўлмоқда. Роналду ўзини жуда эрта алмаштирилаётганидан норозилигини мураббийлар штаби ва жамоадошларига билдирган. Криштиану ўтган 3 тур давомида Гана билан ўйинда (3:2) 88-дақиқа, Уругвай билан (2:0) 82-дақиқа, Жанубий Кореяга (1:2) қарши ўйинда эса 65-дақиқагача тўп сурганди. Қайд этилишича, футболчининг норозилигига қарамай, Сантуш ҳар қандай баҳсли ҳолатларда Роналдунинг тарафини олмоқда. Португалия футбол федерацияси Роналду ва мураббий ўртасидаги вазиятдан хабардор, аммо муҳим ўйинлар олдидан бу масалага аралашишни истамаяпти. Эслатиб ўтамиз, Роналду Жанубий Кореяга қарши ўйинда захирага олингач, Сантушга қўл беришни истамаганди.